Та хангалттай хэмжээнд нойроо авч чаддаг уу?

Баримт: Хэрвээ та 18-60 настай бол шөнө бүр хамгийн багадаа 7 цаг унтах хэрэгтэй гэж мэргэжилтнүүд зөвлөж байна.

Эх сурвалж: АНУ-ын Үндэсний эрүүл мэндийн хүрээлэн

7-9 цагийн нойр: Сайн нойр авах нь таны дархлааг дэмжинэ. Ингэснээр та өвчин тусах магадлал багасч, хэрэв туссан ч хурдан эдгэрэх юм.

6-с бага цагийн нойр: Архаг нойрны дутагдал нь таны дархлааг дарангуйлж улмаар таргалалт, чихрийн шижин, зүрх судасны өвчин, цус харвалт болон сэтгэл гутралд орох эрсдэлийг ихэсгэдэг.

Баримт: 16 жилийн турш эмэгтэй сувилагч нарт хийгдсэн судалгаагаар өдөрт 5-с бага цаг унтдаг эмэгтэйчүүд таргалах магадлал 15%-р ихэсдэг байна.

7-9 цагийн нойр: Зүүдэлж байхдаа мөн гүн нойрсож байх үедээ бидний ой санамж бэхждэг тул хангалттай хугацаанд унтаснаар нойрны үе шатуудыг бүрэн дамжих нь таны ой санамжийг сайжруулдаг.

6-с бага цаг: Будилаа болохдоо бэлэн байгаарай. Нойр дутуу байхад дурсамжууд тархинд амархан хадгалагдаж, холбогдож чаддаггүй.

Баримт: Хэрэв та хангалттай нойр авч чадаагүй бол таны шинэ зүйлс сурах хурд 40%-р буурдаг.

7-9 цагийн нойр: Таны бие болон сэтгэхүй байнга бүтэн нойр авснаар таны сэтгэл санаа ч дээрддэг.

6-с бага цагийн нойр: Дутуу нойртой үед стрессдэх, цочромтгой болох, түргэн ууртай болох хандлагатай байдаг. Мөн та сандамтгай, сэтгэл гутралтай болох ч магадлал ихэсдэг.

7-9 цагийн нойр: Таны анхаарал төвлөрөлт, асуудлыг шийдвэрлэх болон бүтээлч байх чадвар таны нойртой шууд холобоотой.

6-с бага цагийн нойр: Архаг нойрны дутагдал нь алдаа гаргах эрсдэлийг нэмэгдүүлж, гүйцэтгэлийн хурдыг бууруулдаг. Мөн та өөрчлөлтөнд сөргөөр хандаж, сэтгэл хөдлөлөө хянах чадваргүй болдог.

Баримт: 2 долоо хоногийн турш 6-хан цаг унтах нь 2 өдөр нойргүй байсантай тэнцэнэ.

7-9 цагийн нойр: Бүтэн нойр авах нь тээврийн хэрэгсэл жолоодож байхад сонор сэрэмжтэй, хариуцлагатай байх гол түлхүүр болж өгдөг.

6-с бага цагийн нойр: Ганцхан өдрийн дутуу нойр таны хариу үйлдлийг удаашруулж, анхаарал төвлөрөлтийн хугацааг богиносгосноор осолд өртөх магадлалыг ихэсгэдэг.

Баримт: 5-с бага цаг унтсанаар осолд орох магадлал ихэсдэг. Энэ нь та согтууруулах ундаа хэрэглэсний дараа жолоо барьж байгаатай адил хэмжээнд нөлөөлдөг.

7-9 цагийн нойр: Сайн унтаж амрах нь бэлгийн дур хүслийг нэмэгдүүлж, бэлгийн харьцаанд орох магадлалыг нэмэгдүүлдэг.

6-с бага цагийн нойр: Ядарч, уйтгартай байх нь таны бэлгийн дур хүслийг төдийгүй хамтрагчийн тань бэлгийн дур хүслийг ч бууруулдаг.

Баримт: Бэлгийн харьцаанд орсон коллежийн оюутнуудын дунд хийсэн судалгаагаар унтаж амарсан цаг тутамд бэлгийн дур хүсэл нэмэгдэж, үтрээний чийгшлийн хэмжээ ч мөн нэмэгдэж, дараагийн өдөр нь бэлгийн харьцаанд орох магадлал 14%-иар өссөн байна.

7-9 цагийн нойр: Та сайн амарснаар илүү аз жаргалтай, ажилдаа бүтээлч хандахад бэлэн, ой санамж сайтай мөн илүү дээр бэлгийн харьцаанд орох боломжтой!

6-с бага цагийн нойр: Та таргалалттай, уйтгартай, анхаарлаа төвлөрүүлж чадахгүй, мартамхай байхаас гадна сүүлийн үед яагаад бэлгийн харьцаанд ороогүйгээ гайхсаар байх болно.