Хот нийтийн аж ахуйн чиглэлийн техник тоног төхөөрөмж худалдан авах тендерт ирсэн баримт бичгүүдийг олон нийтэд нээлттэй зарлалаа. Нийт 70 ширхэг тоног төхөөрөмж, техник хэрэгслийг худалдан авахаар төлөвлөжээ. Нийт зургаан багц тендер зарласан бөгөөд багц тус бүрд компаниуд дараах байдлаар саналаа ирүүлжээ.
Зам, цас цэвэрлэгээний тусгай зориулалтын машины багцад:
- Кристалхилл капитал 10.2 тэрбум
- Ферст автомотив ворлд монголиа 7.2 тэрбум
- Наран-Ойлт 11.7 тэрбум
- Руй-Юн Олон улсын худалдаа /Бээжин/ ХХК 9.8 тэрбум
- Beinjing SanPu Engineering Machinery 9.8 тэрбум
Олон үйлдэлт бага оврын авто ачигчийн багцад:
- Кристалхилл капитал 2 тэрбум
- Руй-Юн Олон улсын худалдаа /Бээжин/ ХХК 2.5 тэрбум
- Beinjing SanPu Engineering Machinery 1.7 тэрбум
Өөрөө буулгагч ачааны машины багцад:
- Ферст автоматив ворлд монголиа 2.3 тэрбум
- ЭмИ Си Ти Эс 3.1 тэрбум
- АОДЭ 3.3 тэрбум
- Руй-Юн Олон улсын худалдаа /Бээжин/ ХХК 3.4 тэрбум
- Beinjing SanPu Engineering Machinery 3.4 тэрбум
Дугуйт авто ачигч, цас үлээгчийн хамт багцад:
- Кристалхилл капитал 1.4 тэрбум
- Руй-Юн Олон улсын худалдаа /Бээжин/ ХХК 1.8 тэрбум
- Beinjing SanPu Engineering Machinery 1.8 тэрбум
Усны барилга байгууламжийн механизмын багцад:
- Руй-Юн Олон улсын худалдаа /Бээжин/ ХХК 2.4 тэрбум
- Beinjing SanPu Engineering Machinery 2.2 тэрбум
Автомашинд суурилагдсан помп, зөөврийн цахилгаан үүсгүүр багцад:
- Кристалхилл капитал 1.7 тэрбум
- Руй-Юн Олон улсын худалдаа /Бээжин/ ХХК 2.4 тэрбум
- Beinjing SanPu Engineering Machinery 2.4 тэрбум төгрөгийн үнийн саналыг тус тус ирүүлжээ.
Улаанбаатар хотын Ерөнхий менежер М.Баяраа, Том зургаар хотын хөгжил хувийн хэвшилд түшиглэсэн байдлаар цааш үргэлжилнэ. Одоогийн байдлаар нийт ажил үйлчилгээний 70 гаруй хувийг хувийн хэвшил гүйцэтгэж байна. Цаашид үлдсэн 30 хувийг ч хувийн хэвшил хариуцах буюу төр хотын гудамж шүүрдэх ажил хийх шаардлагагүй болно гэсэн үг.
Мэдээж энэ 70 тоног төхөөрөмжөөр хотын асуудал бүрэн шийдэгдэхгүй, бидэнд дахиад хэрэгцээ байгаа. Гэхдээ цаашид худалдан авах ажиллагааг дүүргүүд өөрсдөө зохион байгуулах юм гэв.
